Vinstri vongurin, Rannvá Olsen roynir seg hetta kappingarárið við liðnum, Ejstrup/Hærvejen sum spælir í næstbestu donsku hondbóltsdeildini.
Fríggjakvøldið spældi Ejstrup/Hærvejen fyrsta dystin hetta kappingarárið á útivølli móti Holstebro.
Holstebro vann stórsigur 35-18. Í fyrra hálvleiki gekk tað hampuligt hjá Ejstrup/Hærvejen, ið var aftanfyri 12-16 í steðginum. Í seinna hálvleiki gekk av skriðuni, og megnaði Ejstrup/Hærvejen bert at skjóta seks mál í seinna hálvleiki.
Komandi mikukvøld klokkan 18.30 hevur Ejstrup/Hærvejen dyst á heimavølli móti SIK Viborg.
