- Bara eitt línuskip er til fiskiskap. Tað landar mikudagin og hevur mest av longu og brosmu. Restin av línuflotanum liggur við bryggju, men væntandi fer onkur út í vikuni sum kemur.
Tað veit Fiskamarknaður Føroya at siga.
Um útlitini til útróður, sigur marknaðurin, at streymurin verður góður fyrst í vikuni, men harðnar, sum vikan gongur. Veðurforsagnirnar eru góðar.
- Tí vænta vit nakað av útróðri, og bátarnir fáa eina blanding av toski og hýsu - og onkur roynir eisini við kalvalínu, veit Fiskamarknaður Føroya at siga.
