Flestu línuskip eru undir Íslandi, men ivasamt er, um tey koma heim til Føroyar at landa. Nøkur av skipunum, sum royna eftir ísfiski har yviri, hava landað í Íslandi.
Á Fiskamarknaði Føroya vænta tey tó tvey línuskip til landing í vikuni sum kemur. Eitt skip fiskar tosk og svartkalva, og eitt fiskar tosk og hýsu.
- Tvey onnur línuskip eru eisini úti, sum fáa mest av brosmu og longu, men tey koma neyvan inn at landa í næstu viku.
Um útlitini fyri útróðri, sigur Fiskamarknaður Føroya, at streymurin verður ikki av tí besta, men veðrið sær út til at fara at roynast.
- So, vónandi verður nakað av útróðri í vikuni, verður lagt aftrat.
