Lions Tindur, sum er lionsfelag í Sandoynni, læt herfyri tvær gávur til góð endamál í Sandoynni. Tað var eisini Lions Tindur, sum fyri tíð síðan gav Virknis-og Umlættingardeplinum á Sandi eitt renniband.
Ítrivslonin í Skopun hevur nú fingið eina sera snøgga bindimaskinu, og Ungmannafelagið Virkið á Sandi hevur fingið eitt nýtt og snotuligt skelti á felagshúsið.
Í Ítrivslonini eru tey sera fegin um bindimaskinuna, sum hóast hon nýliga er komin í húsið, longu hevur verið dúliga brúkt. Í Ítrivslonini í Skopun, sum er fyri alla Sandoynna, verður nógv ymiskt handarbeiði gjørt, og her verður bæði bundið, vevað og seymað.
Í Ungmannafelagnum Virkinum, sum er bygdarhúsið miðskeiðis í Sands bygd, fegnast tey eisini um snøggu gávuna, sum Føroya Prent hevur gjørt. Presidentur í Lions Tindur er Anja Sandoy.
##med2##
##med3##
