Í sambandi við mentanarvikuna, sum hesa vikuna er í Runavík, verður tiltakið List & Kvirra í Glyvra kirkju hvørt kvøld hesa vikuna frá klokkan 20-22.
Astrid Andreasen, listakvinna, sýnir fram í forkirkjuni. Høvi er eisini at njóta kvirruna í skýmliga kirkjurúminum og at tendra ljós í serstaku ljósglobuni.
Aftanbøn er mánakvøld, mikukvøld og fríggjakvøld klokkan 21.45.
- Í kvøld klokkan 21.30 syngur Niels Midjord tvey kingoløg í kirkjuni, hvørs heimildarmaður er Hans Petur Hansen á Glyvrum, siga tey, sum standa aftanfyri tiltakið í Glyvra kirkju.
