Lítið frættist um útróður kring landið, og hóast kunngerðin um, at vinnuligir útróðrarbátar nú aftur kunnu seta línuna í land, er lítið at frætta um, hvørja ávirkan tað hevur.
Tað hevur eisini verið lítið at hoyrt um, hvørja ávirkan tað hevur havt á smáfiskin, at forboð hevur verið fyri at sett línu - í vinnuligum útróðri - nær landi í tvey ár.
Á Fiskamarknaði Føroya vita tey at siga, at streymurin verður harður í byrjanini av næstu viku, men hann batnar, sum vikan gongur.
- Vit vænta nakað av útróðri seinni í vikuni. Bátarnir, sum royna við línu, fáa eina blanding av toski og hýsu og nakað av hvítingi.
Lagt verður aftrat, at onkur bátur roynir við kalvalínu.
