Fýra dystir í 13. umfari í Premier League hava verið í dag. Liverpool vann stórt á Southampton, Arsenal knekkaði nýríka Newcastle og Steven Gerrard og Aston Villa vunnu annan dystin upp í slag.
Fyrsti dysturin í dag var Emirates leikvøllinum í London, har Newcastle var á vitjan hjá Arsenal. Við nýggjan venjaranum, Eddie Howe, var lítið broytt. Arsenal vann 2-0 og Newcastle hótti fyri tað mesta bara upp á skjótálop og í løtum. Bukayo Saka og Gabriel Martinelli skoraðu málini.
Nú út seinnapartin vann Liverpool sannførandi 4-0 á Southampton. Diogo Jota skoraði tvey tey fyrstu, áðrenn Thiago og Virgil van Dijk settu punktum. Liverpool kundi havt skorað minst fýra afturat, men Southampton, ið annars var kroyst tað mesta av dystinum, hevði eisini sínar málmøguleikar.
Steven Gerrard er nýggjur venjari hjá Aston Villa og hevur fingið eina góða byrjan. Í dag vann Aston Villa annað dystin upp í slag undir leiðslu av nýggja venjaranum. Aston Villa vann 2-1 á útivølli móti Crystal Palace. Skotski John McGinn setti punktum við máli til 2-0, tó at Crystal Palace fekk minkað um munin í evstu løtu. Norwich og Wolverhampton spældu málleysan javnleik.
Fleiri dystir verða í morgin, har Chelsea fær vitjan av Manchester United og West Ham fær vitjan av Manchester City.
