Liverpool misti í fyrstu royndini

Annar dysturin í 1. umfari í Premier League hevur verið. Í gjár vann Arsenal 2-0 á Crystal Palace, og í dag spældu Fulham og Liverpool javnleik 2-2. Liverpool var stórfavorittur, men uppflytararnir úr Fulham fingu eitt fult uppiborið stig.

Fulham byrjaði væl, meðan Liverpool gjørdi fleiri mistøk í uppspælinum. Stóri spælarin á vøllinum var serbiski áleyparin hjá uppflytarunum, Aleksandar Mitrovic. Hann legði Fulham á odda aftaná ein hálvan tíma, tí hann stútaði eitt innlegg í málið.

Liverpool svaraði aftur í seinna hálvleiki við máli frá innskifta Darwin Núñez, eftir upplegg frá Mohamed Salah. Liverpool legði nú trýst á, men í einum mótálopið fór Aleksandar Mitrovic umkoll í brotsteiginum. Hann umsetti sjávur brotssparkið til mál.

Liverpool helt fram at trýsta og hesa ferð var tað Mohamed Salah, sum skoraði eftir upplegg frá Darwin Núñez. Liverpool rakti tvørstongina í yvirtíðini, men talan hevði verið um ein lítlan stuldur, tí Liverpool spældi illa, Fulham fekk eitt fult uppiborið stig.

Premier League 1. umfar:

Í gjár:

Crystal Palace – Arsenal 0-2

Leygardagin:

Fulham – Liverpool 2-2

AFC Bournemouth – Aston Villa (15.00)

Leeds – Wolverhampton (15.00)

Newcastle – Nottingham Forest (15.00)

Tottenham – Southampton (15.00)

Everton – Chelsea (17.30)

Sunnudagin:

Leicester – Brentford (14.00)

Manchester United – Brighton (14.00)

West Ham – Manchester City (16.30)