Daniel Sturridge skoraði einsamalla málið í arvafíggindauppgerðini millum Liverpool og Manchester United í dag. Málið kom longu aftaná tríggjar minuttir. Annars var talan ikki um nakran væl spældan dyst.
Liverpool fekk eina dreymabyrjan, tá Daniel Sturridge longu aftaná tríggjar minuttir legði heimaliðið á odda. Steven Gerrard sendi hornaspark innfyri, sum Daniel Agger stútaði móti málinum. Tætt undir málinum stóð Daniel Sturridge og fekk líka høvdið á bóltin, sum síðani fór í málið.
Eftir málið trýsti Manchester United, men sum klokkan gekk, so stóð Liverpool móti trýstinum. Í fyrru hálvu av seinna hálvleiki settu gestirnar seg á dystin. Liverpool megnaði sjáldan at hótta, meðan Manchester united hevði bóltin fyri tað mesta, men tó uttan at koma í vandamiklar støður.
Manchester United kom til onkran einkultan møguleika, har millum annað Robin van Persie ikki rakti málið úr stuttari fjarstøðu. Í hinum endanum hevði Liverpool ikki eina roynd á málið fyrr enn í 94. minutti.
Liverpool hevur fult stigatal eftir tríggjar dystir, meðan Manchester United hevur fýra stig. Daivd Moyes megnaði ongantíð sum venjari hjá Everton í 11 ár at vinna á Anfield. Fyribils heldur tað støðan stikk.
Premier League:
Liverpool – Manchester United (1-0)
1-0 Daniel Sturridge, 3
LIVERPOOL: Mignolet ; Johnson (Wisdom 78,), Agger, Skrtel, Enrique; Henderson, Lucas, Gerrard; Aspas (Sterling 60, 6), Sturridge, Coutinho (Alberto 84).
Á bonkinum: Jones, Ibe, Kelly, Flanagan.
Gul kort: Aspas
MAN UNITED: De Gea; Jones (Valencia 37,), Ferdinand, Vidic, Evra; Carrick, Cleverley; Young (Nani 62,), Welbeck, Giggs (Hernandez 75); Van Persie.
Á bonkinum: Anderson, Smalling, Lindegaard, Buttner.
Gul kort: Cleverley, Van Persie, Carrick, Young
Dómari: Andre Marriner
Áskoðaratal: 44,411
