Løgreglan hevur skotið og dripið ein mann við knívi í Charles de Gaulle-floghavnini í franska høvuðsstaðnum, París.
Tað upplýsir løgreglan í París á Twitter.
– Løgreglan tók tað róligt og stríddi mannin niður mannin, sum førdi seg fram hóttandi og var vápnaður við knívi í Charles de Gaulle-flogvøllinum, verður sagt.
Ein ónavngivin kelda á flogvøllinum sigur við fornsku tíðindastovuna AFP, at hendingin var við terminal 2F umleið klokkan 08.20.
Keldan sigur, at ein »heimleysur maður fór at plága trygdarvørðir, og tí vórðu boð send eftir marknaløgregluni fyri at fáa hann burtur«.
Hann skal síðani vera farin úr økinum, men vendi aftur við einum knívi. Her varð hann skotin av einum løgreglumanni, sum var á staðnum.
Ein myndamaður frá AFP sá hendingina.
– Hann fekk boð um at steðga, men hann helt á við at ganga fram ímóti teimum, og ein løgreglumaður lat síðani eitt skot av, sigur myndamaðurin.
Sambært franska blaðnum Le Parisien sló maðurin eftir løgreglumanninum, áðrenn hann varð skotin. Maðurin var skotin í búkin, skrivar blaðið.
Talan er ikki um eina yvirgangsatsókn, sigur løgreglan.
Charles de Gaulle-flogvøllurin er ein av størstu flogvøllum í Evropa.
Flogvøllurin liggur í ein útnyrðing úr París.
/ritzau/
