Tað var nógvur vindur í gjárkvøldið og í nátt, og fyrr í morgun var eisini nógvur vindur.
Hann hevur verið eystligur í ættini, og sambært DMI fer hann at ganga eystur yvir og fer at hækka upp í ein landnyrðing.
Løgreglan fekk onkrar fráboðanir um vind og smærri vindskaðar í gjárkvøldið.
- Onkur fráboðan kom úr Havn og onkur úr Sandoynni um takplátur, sum høvdu rivið seg leysar.
Lagt verður aftrat, at í Klaksvík hevði partur av klædninginum á einum bygningi eisini rivið seg leysan.
Sum skilst, var talan ikki um teir stóru vindskaðarnar, og tað vóru tilbúgvingarnar á staðnum, sum tóku sær av hesum.
- Tíbetur er líkt til, at fólk taka upp tað leysa, tí vit fingu onga fráboðan um leysar lutir, visti vaktleiðarin á løgreglustøðini at siga í morgun.
