Løgreglan vil fegin koma á tal við fólk, sum kunnu hava sæð okkurt í sambandi við eitt harðskapsmál í miðbýnum í Havn sunnumorgunin um fýratíðina.
Tað var ein illstøða, sum byrjaði millum persónar niðri í Glitnir og sum síðani fluttu seg niðan í Steinatún. Í millum matstovuna Bitan og gamla Føroya Banka bygningin í Steinatúni fær so annar persónurin ein fløsku í andlitið og fær skaða í tenninar.
– Vit eru sera áhugað í at hoyra frá fólki, sum kunnu hava sæð okkurt í sambandi við hendan tilburðin, sigur vaktleiðarin á politistøðini, sum heitir á fólk, sum kanska hava sæð okkurt um at venda sær til politistøðina.
Hesin tilburðin varð ikki meldaður til løgregluna, men løgreglufólk komu frá á órættaða persónin, sum hevði skaða í andlitinum, og fekk soleiðis frænir um harðskapsmálið.
