ES-herskipini, sum stríðast við sjórænararnar úti fyri somalisku strondini, lupu í dag fleiri mál uppi á landi í Somalia. Talan var um eitt tyrluálop, og álopið er tað fyrsta av hesum slagnum, síðani ES-herskipadeildin fekk víðari heimildir fyrr í ár.
Admiralurin Duncan Potts, sum stóð fyri álopinum, segði í dag, at fleiri bátar hjá sjórænarunum vórðu oyðilagdir í álopinum, og hann ivaðist ikki í, at hetta fer at avmarka virksemið hjá sjórænarunum.
ES-herdkipadeildin hevur fyrr søkt at sjórænarum í somaliskum og altjóða sjógvi, men fyri tveimum mánaðum síðani fekk deildin eisini heimild til at leypa á mál uppi á landi.
