Í kvøld verður lutakastið um hvussu spælast skal í kappingini um Løgmanssteypið. Lutakastið fer fram í ítróttarsendingini 3-2 hjá Kringvarpi Føroya.
18 lið eru við í pottinum, og verður kappingin aftur í ár skipað við undanumfari, har lið úr niðaru deildunum hava møguleikan at spæla seg við í sjálva kappingina. Tey fýra liðini, sum eru við í undanumfarinum, eru FF Giza/FC Hoyvík, Royn, Undrið FF og MB.
Undanumfarið verður leikt vikuskiftið 24. og 25. mars, ið er sama vikuskiftið sum Meistaradeildin fer í gongd.
Fyrsta umfar í steypakappingini verður spælt 9. apríl, fjórðingsfinalurnar 25. apríl og hálvfinalurnar 9. og 23. mei.
Lutakastið í steypakappingini hjá kvinnum verður komandi mánakvøld.
