Á tingfundinum sum varð settur nú klokkan 11 tók Magni Arge úr Tjóveldinum sæti á tingi.
Magni Arge varð valdur sum nummar fýra á listanum hjá Tjóðveldinum á valinum 1. september í fjør við 438 atkvøðum.
Men hann hevur higartil bara verið á tveimum tingfundum.
Tað er tí, at hann hevur hava sæti á Fólkatingi fyri Høgna Hoydal, sum varð valdur á Fólktating á fólkatingsvalinum, sum var 18. juni í fjør. Tjóðveldi gjørdi av fyri valið, at tann, ið valdur var á Fólkating skuldi ikki sita í tveimum tingsessum. Tí tók Høgni Hoydal ikki sæti á Fólkating. Magni Arge var nummar tvey á listanum við 1.082 atkvøðum.
Men tá Magni Arge eisini varð valdur Løgtingið 1. september, mátti hann velja ímillum fólkatingsessin og løgtignssessin. Valið fall á fólkatingsessin, og tí fór hann í farloyvi úr Løgtinginum eftir at løgmansvalið hevði verið og tingnevndirnar valdar.
Hann segði tá, at hann fór at verða aftur at síggja í løgtigninum.
Magni Arge hevur farloyvi úr Fólkatinginum til 1. januar komandi. Til ta tíð røkir Tórbjørn Jacobsen fólkatingssessin hjá Tjóðveldinum.
