Tað verður stór útskifting á venjarasíðuni hjá Víkingi til komandi kappingarár. Greitt er at fyrrverandi høvuðsvenjarin, Sigfríður Clementsen, og fyrrverandi hjálparvenjarin, Erland Tvørfoss ikki vera partur av venjaratoyminum til komandi ár. Teir eru avloystir av venjaratoyminum hjá AB frá farna kappingarárið, Sámal Erik Hentze sum høvuðsvenjara, og Sorin Anghel sum hjálparvenjara. Men tað eru ikki bara Sámal Erik og Sorin, sum vera nýggir í venjaratoyminum hjá Víkingi. Eisini fyrrverandi málmansvenjarin hjá AB, Eugen Voda, verður nýggjur í Sarpugerði. Hann verður nýggjur málmansvenjari hjá Víkingi. Eugen Voda hevur seinastu trý árini verið málmansvenjari hjá AB. Rumenski Eugen Voda kom á fyrsta sinni til Føroyar í 2001, tá hann vardi málið hjá Skála.