Átta dystir eru spældir í 5. umfari í Champions League í dag.
Í einum heldur keðiligum dysti á Old Trafford endaði uppgerðin ímillum Manchester United og PSV 0-0. Samstundis, í sama bólki, vann Wolfsburg 0-2 á útivølli ímóti CSKA Moskva. Hetta merkir, at víðari luttøkan hjá United úr bólkaspælinum er alt annað enn tryggjað. Í sætta og seinasta umfari tekur Wolfsburg ímóti United. Vinnur United ikki hendan dystin samstundis sum PSV vinnur sín dyst ímóti CSKA Moskva, sum onki hevur at spæla fyri í seinasta dysti, so kemur United ikki víðari úr bólkaspælinum.
Í Torino eydnaðist tað Juventus at basa Manchester City. Sum so mangan áður, so vann italska heimaliðið við eyðkenda úrslitinum, 1-0. Málið skoraði Mario Mandzukic. Úrslitið hevur tó ikki størri ávirkan enn so, at bæði hesi liðini koma víðari úr bólkaspælinum.
Í kvøld var eisini áhugavert, at svenska tjóðarhetjan, Zlatan Ibrahimovic, gjørdi comeback á heimabeitinum í Malmø. Zlatan og liðfelagarnir vístu tó ikki nakra sum helst náði fyri sviðunum, og knústu parísararnir Malmø heili 0-5. Zlatan Ibrahimovic skoraði eitt av hesum málum.
Úrslitini og støðurnar í bólkunum hjá teimum liðum, sum hava verið í dysti í kvøld, síggjast niðanfyri.
Bólkur A:
Malmø FF - PSG 0-5
Shakhtar Donetsk - Real Madrid 3-4
Støðan:
Real Madrid 13 stig
PSG 10 stig
Shakhtar Donetsk 3 stig
Malmø FF 3 stig
Bólkur B:
CSKA Moskva - Wolfsburg 0-2
Manchester United - PSV 0-0
Støðan:
Wolfsburg 9 stig
Manchester United 8 stig
PSV 7 stig
CSKA Moskva 4 stig
Bólkur C:
FC Astana - Benfica 2-2
Atletico Madrid - Galatasaray 2-0
Støðan:
Atletico Madrid 10 stig
Benfica 10 stig
Galatasaray 4 stig
FC Astana 3 stig
Bólkur D:
Borussia Mønchengladbach - Sevilla 4-2
Juventus - Manchester City 1-0
Støðan:
Juventus 11 stig
Manchester City 9 stig
Borussia Mønchengladback 5 stig
Sevilla 3 stig
