Manchester City tryggjaði sær í kvøld enska meistaraheitið fyri sjeyndu ferð í søgu felagsins.
Tað hendi, uttan at City-leikararnir vóru á vøllinum, tá nærmastu kappingarneytarnir úr Manchester United taptu 1-2 móti Leicester. Harvið kann United ikki longur fáa city aftur, sum er tíggju stig framanfyri, nú trý leikumfør eru eftir.
Meðan meistaraheitið nú er avgjørt, er enn spenningur um topp-4, sum gevur atgongd til Champions League komandi kappingarár.
Sigurin hjá Leicester merkir, at Kasper Schmeichel og teir rykkja upp á triðapláss við tveimum stigum niður til Chelsea og átta stigum til West Ham.
Bæði Chelsea og West-Ham hava tó spælt ein dyst færri.
/ritzau/