Talskvinnan hjá russiska uttanríkisráðnum, Maria Zakharova, sigur, at hon er skakað av, at uttanríkisráðharrin í Hvitarusslandi, Vladimir Makej, er deyður.
Tað skrivar hon á Telegram.
- Russiska uttanríkisráðið fer at senda eitt alment samkensluskriv í samband við deyðsfallið, sigur talskvinnan.
Tað var tíðliga í dag, at tað frættist um deyðsfallið í Hvítarusslandi, og síðan er deyðsfallið váttað av almennum miðlum í landinum.
Statsliga tíðindastovan Belta skrivar, at uttanríkisráðharrin doyði brádliga, 64 ára gamal, men einki verður sagt um, hvør orsøkin var til, at hann doyði.
Uttanríkisráðharrin varð seinast avmyndaður á einum almennum fundi í gjár, fríggjadagin.
- Vladimir Makej hevði sitið sum uttanríkisráðharri í Hvítarusslandi síðan 2012, vita útlendskir miðlar at siga í dag.
##med2##