Hóast tað ongantíð hevur verið frammi alment, so greiddi Pauli Ellefsen, fyrrverandi løgmaður, frá í sendingini »Meg Minnist« hjá Jógvani Arge í útvarpinum, at Sambandsflokkurin ætlaði at seta Johan Djurhuus, skrivstovustjóra í Tinganesi, til løgmann, tá Sambandsflokkurin saman við Fólkaflokkinum og Sjálvstýrisflokkinum skipaði samgongu í januar í 1981.
? Eg ætlaði mær ikki at verða løgmaður. Eg hevði mítt virki at reka, og eg skuldi nógv niður í løn, um eg skuldi verða løgmaður, segði Pauli Ellefsen í samrøðuni við Jógvan Arge.
Pauli Ellefesn greiddi frá, at teir bóðu Johan Djurhuus (1918-1998) um at verða løgmaður. Johan Djurhuus umhugsaði hetta í tríggjar dagar og kom so aftur til sambandsmenninar og segði, at tað hevði ongan áhuga.
Johan Djurhuus var ongantíð politikari, men embætismaður alt sítt lív. Hann var skrivstovustjóri í Tinganesi, sjúkrahússtjóri og røkti ymisk onnur størv í hesum sambandi. Hann var ein av teimum allar fyrstu embætismonnunum, eftir at fyrsta landsstýrið varð skipað eftir heimastýrislógina í 1948. Hann var sonur Kristian Djurhuus, sum var royndur politikari, formaður Sambandsfloksins og løgmaður.
Tað hevði neyvan gingið í dag, at ein floksformaður heitti á Marjuna Hanusardóttir at gerast løgmaður, tí hann ikki hevði hug at fara niður í løn...
? Eg ætlaði mær ikki at verða løgmaður. Eg hevði mítt virki at reka, og eg skuldi nógv niður í løn, um eg skuldi verða løgmaður, segði Pauli Ellefsen í samrøðuni við Jógvan Arge.
Pauli Ellefesn greiddi frá, at teir bóðu Johan Djurhuus (1918-1998) um at verða løgmaður. Johan Djurhuus umhugsaði hetta í tríggjar dagar og kom so aftur til sambandsmenninar og segði, at tað hevði ongan áhuga.
Johan Djurhuus var ongantíð politikari, men embætismaður alt sítt lív. Hann var skrivstovustjóri í Tinganesi, sjúkrahússtjóri og røkti ymisk onnur størv í hesum sambandi. Hann var ein av teimum allar fyrstu embætismonnunum, eftir at fyrsta landsstýrið varð skipað eftir heimastýrislógina í 1948. Hann var sonur Kristian Djurhuus, sum var royndur politikari, formaður Sambandsfloksins og løgmaður.
Tað hevði neyvan gingið í dag, at ein floksformaður heitti á Marjuna Hanusardóttir at gerast løgmaður, tí hann ikki hevði hug at fara niður í løn...
