Heili 323 milliónir krónur skulu settar av til íløgur á fíggjarlógini fyri 2014. Tað ætlar landsstýrið, sum grundgevir raðfestingina við, at tað skal stimbra virksemið í landinum.
Størstu løgurnar í 2014 verða sambært Fíggjarmálaráðnum hesar:
Skúlin við Marknagil - 85 milliónir krónur
Tunnil til Viðareiðis - 43,5 milliónir krónur
Landssjúkrahúsið - 30 milliónir krónur
Umvæling av almennum bygningum - 26,5 milliónir krónur
Vardir bústaðir í Eysturoynni og í Norðoyggjum - 20,3 milliónir krónur
- Løgurnar hjá landinum fara sostatt í stóran mun at stimbra virksemið í handverkara- og byggivinnuni komandi árið, sigur Jørgen Niclasen, landsstýrismaður í fíggjarmálum.
