Landsliðsmálverjin, Mattias H. Lamhauge og liðfelagarnir í Fredericia leiktu í dag dyst á útivølli móti Næstved í næstbestu donsku fótbóltsdeildini.
Dysturin endaði við javnleiki 0-0. Hetta er aðru ferð í trimum dystum, at Mattias heldur málið hjá Fredericia reint.
Mattias hevði tríggjar bjargingar í dystinum.
Fredericia hevur 34 stig á fjórða plássinum í deildini, og teir hava tryggjað sær pláss í ovara endaspælinum.
Komandi leygardag klokkan 12 hevur Fredericia dyst á heimavølli móti HB Køge, ið er triðaftast í deildini við 17 stigum.
Aftaná dystin móti HB Køge byrjar ovara endaspælið.
