Ein av bólkunum, sum verður við í Futt í býin, er MC-Hár Tað eru 17 ár síðan MC-Hár fyrstu ferð spældi á ólavsøkukonsertini 27. juli. Henda fyrsta ólavsøkuframførslan var á bingjuplássinum á eystarukaj, har konsertin húsaðist tá. Framførslan vísti, at her var talan um ein heilt serliga svakan bólk. Pallshowið taldi millum annað Deyðan við líggja, ein brendan gittar, ein uppblástan grindahval, og ein væl yngri Týr oddamann, ið sat á pallinum og læs avís alla konsertina.
Sjónvarp Føroya festi partar av konsertini á band, og gjørdi samrøðu við limir í bólkinum. Tá hetta um ólavsøkuna varð víst í sjónvarpinum, fekk táverðandi Barlast gittarleikarin Niclas Johannesen íblástur til at skriva niðurlagið í lagnum Morguntúr:
?Komið vár
gráir dagar fáa lit
MC-Hár gongur framvegis uttan vit?.
Hetta niðurlag varð upprunin til heitið á fløguni ?Framvegis uttan vit? hjá MC-Hár. Í ár verður 8. framførslan á ólavsøkukonsertini hjá bólkinum, ið metir hesa konsert sum sín heimavøll.
MC-Hár vístu á konsert síni við Múrin, at bólkurin hóast høgan aldur er í toppformi.
Fakta um MC-Hár
www.myspace.com/innher
Manning:
Rapp: Niels Uni Dam
Sang og gittar: Rókur Jákupsson Jakobsen
Sang og keyboards: Tróndur Bogason
Gittar og róp: Jónas Bloch Danielsen
Gittar og sang: Jens Virgar Jakobsen
Bassur: Heri Reynheim
Trummir: Rani Hammershaimb Christiansen
Útgávur:
Framvegis uttan vit, 1998
Burn me (EP), 1999
Savns- og konsertfløgur:
Rock í Føroyum
Prix Føroyar 1999
Tutl 25 ár live
Prix Krem
Hæsta Hendin ? Botninn Upp
