59 % av teimum spurdu í veljarakanningini hjá Fynd og Norðlýsinum siga, at løgmaður eigur at útskriva nýval nú, meðan 33 % siga nei.
Kanningin sigur samstundis, at Aksel V. Johannesen er best umtókta val sum løgmaður. 18,3 % ynskja hann sum løgmann.
Næstur honum koma Bárður Nielsen og Høgni Hoydal, sum fáa 6,9 og 6,5 prosent. 5,5 prosent vilja hava Jørgen Niclasen til løgmann. Kaj Leo Holm Johannesen fær 3,2 prosent og Jacob Vestergaard fær 2,8 prosent.
Hinir floksformenninir, Jógvan Skorheim, Poul Michelsen og Jenis av Rana, fáa allir undir 1 %.
