NSÍ kann koma at gera seg galdandi í oddinum, tí at teir hava gott leikaratilfar. Men útskiftingin av leikarum er stór, spælistílurin skal broytast, og tað kann vera, at felagið skal ígjøgnum eitt miðalár, áðrenn teir kunnu byrja at tosa um meistaraheitið. Venjarin Jóhan Nielsen er tann mest vinnandi føroyski venjarin, men hann hevur ongantíð vunnið meistaraheitið fyrsta árið í einum felag. Tað ger hann neyvan í ár heldur.
