Danski forsætisráðharrin, Mette Frederiksen, fer á vitjan í Hvítu Húsunum.
Her fer hon at hitta amerikanska forsetan, Joe Biden.
Vitjanin hjá danska forsætisráðharranum í USA verður hin 5. juni, sum er danski grundlógardagurin.
Í dag hevur samskiftisleiðarin í Hvítu Húsunum, Karine Jean-Pierre, váttað, at Mette Frederiksen kemur á vitjan.
- Ríkisleiðararnir fara at umrøða avgjørda stuðulin til Ukraina, nú landið er fyri einum brutalum álopskríggi úr Russlandi.
Tað sigur Karine Jean-Pierre, og tað eru fleiri tíðindastovur, sum bera hesi tíðindi í kvøld.
