Forsætismálaráðið hevur virkað »ógvuliga átaluvert í gongdini« í Minkamálinum.
Tað stendur sambært fleiri miðlum í frágreingini frá Minknevndini, sum er latið Folketings Granskningsudvalg í dag.
Nevndin skrivar í frágreiðingini millum annað, at Forsætismálaráðið »hevði ein yvirskipaðan og leiðandi lut í herdu tilgongdini, sum leiddi til ein tíðindafund 4. november í 2020, har stjórnin við forsætisráðfrúnni Mette Frederiksen á odda segði, at allir minkar í Danmark skuldu avlívast.
– Samanumtikið metir nevndin, at Forsætismálaráðið hevur virkað ógvuliga atfinningarsamt í gongdini, sum førdi til grovar villleiðingar av minkaalarum og almenninginum um tey greitt ólógligu boðini til myndugleikar í sambandið við tíðindafundin 4. november í 2020, stendur sambært Jyllands-Posten og øðrum miðlum.
Sjálvt um Forsætismálaráðið fær harðar atfinningar, fær Matvørumálaráðið enn harðari atfinningar í frágreiðingini. Formliga hoyrdu minkarnir undir Matvørumálaráðið.
/ritzau/