Ein av teim heilt stóru amerikonsku íleggjarunum, Guggenheim Partners, siga, at um tað skal verða áhugavert hjá altjóða marknaðinum at hyggja mótvegis arktiska økinum, Grønland íroknað, so skulu íløgur gerast í undirstøðukervi fyri einar sjey milliardir.
Tað segði umboðsmaður fyri íløgufelagið, Scott Minerd, við grønlandsnevndina hjá fólkatinginum.
Tað hevur verið eitt ávíst samband millum USA og Grønland seinastu tíðina. Uttanríkisráðharrin í Grønlandi, Vittus Qujaukitsoq, var millum teir fyrstu at ynskja Donald Trump góða eydnu við forsetaembætinum og legði upp til samstarv millum londini.
