Mjølnir bestu menninar

Enn eina ferð noyddist SÍ út í fimm sett, men hesa ferð bar ikki á mál, tí í síðstu bóltunum royndust menninir hjá Mjølnir betur og vunnu settin og dysti. Sigurin merkir samstundis, at Mjølnir hevur lagt seg á odda í Eikliguni hjá monnum

Hilmar Jan Hansen

26.10.2009 (12:39)

<style type="text/css">  </style>   Fyri viku síðani mátti SÍ spæla fimm sett, áðrenn sigurin á Fleyr var fingin til høldar, og í gjár máttu aftur fimm sett til í mansdystinum í Sørvági. Munurin var bara, at hesa ferð tapti SÍ fimmsettaran, og tað merkti somuleiðis, at SÍ mátti lata oddasessin frá sær til Mjølnir. Dysturin í Sørvági í gjár fekk annars eina sjáldsama byrjan. Thorvald Danielsen servaði, og tað gjørdi hann so væl, at Mjølnir kom á odda 14-0, sum vælsaktans er óhoyrt, tá talan er um dyst á hesum stigi! – At vit koma á odda 14-0, er eitt sindur óvanligt, og eg haldi, at teir í SÍ kanska blivu eitt sindur kløkkir. Men at standa soleiðis og serva 14 stig á rað frá fyrsta bólti, haldi eg ikki, at eg fyrr havi roynt í bestu deildini. Men tað var deiligt, segði Thorvald eftir dystin, ið gjørdist drúgvur og sera umskiftandi fyri báðar partar. Jón Joensen hjá SÍ viðurkendi eisini eftir dystin, at byrjanin var øgiliga vánalig, men hann helt, at tað vóru nervar, ið gjørdu seg galdandi. – Eg veit ikki, um eg nakrantíð fyrr havi verið aftanfyri 0-14 í bestu deildini, og tað var eisini ringt at koma afturíaftur. Men vit royndu at byggja okkum upp og fáa spælið at koyra hampuliga, uttan at tað tó gjørdist nóg gott. Tá vit kunnu koma so langt við at spæla so illa, sær tað allíkavæl bara heilt gott út, segði hann. Sum vera man, vann Mjølnir fyrsta settið sera sannførandi, men í øðrum setti svaraði SÍ aftur og vann næstan líka sannførandi. Í triðja setti fylgdust liðini, heilt til Mjølnir var á odda 19-17, og síðani vann SÍ ongan bólt aftrat. Men enn eina ferð megnaði SÍ at svara aftur í fjórða setti, tá liðið var á odda 21-18, tá tað steðgaði fullkomuliga upp hjá Mjølnir. <o:p> </o:p> Mjølnir hevði munin<o:p></o:p> Nú gjørdist tí neyðugt við einum fimta og avgerandi setti, og har gjørdist tað akkurát so spennandi, sum væntast kundi. Tey fýra undanfarnu settini vóru kanska ikki so væl spæld, men intensiteturin var har alla tíðina, og tað var ikki til at siga, hvønn veg eitt fimta sett kundi fara. Liðini fylgdust eisini allan vegin uppeftir, men kanska sá SÍ út til at vera heldur betur fyri. Eitt nú vóru sørvingar frammanfyri 13-11, umframt at teir fingu javna til 15-15, tá Mjølnir annars hevði havt sín fyrsta sett- og matsjbólt, men so tóku klaksvíkingarnir um endan og vunnu teir báðar síðstu bóltarnar. – Hetta var ein øgiliga javnur dystur, har vit skiftust um at vinna settini, og tað kundu akkurát tað sama verið teir, sum vunnu, sum at tað blivu vit. Men vit vunnu so nakrar øgiliga týdningarmiklar bóltar síðst í fimta setti, ið avgjørdu alt til okkara fyrimun, segði Thorvald, ið heldur liðini vera so mikið jøvn í ár, at tú mást spæla væl í øllum settum, skalt tú vinna. Hinvegin kundu Jón og teir í SÍ bara staðfesta, at tað, sum riggaði fyri einari viku síðani, tá tað eisini var neyðugt við fimm settum, bara ikki riggaði hesa ferð. – Eg haldi, at munurin var tann, at vit í dag ikki kláraðu at halda konsentratiónina allan vegin. Menn virkaðu troyttir, og hetta var aftur ein langur dystur, har vit bara ikki kláraðu tað síðsta. Vit fara óivað at kappast við Mjølnir í oddanum í vetur, men um vit bara spæla betur enn í dag, so skulu vit nokk klára teir, segði Jón Joensen.<o:p></o:p>

Mjølnir bestu menninar

Mest lisið

MVG verður tikið av matvørum

Knut-Øyvind og John flyta saman sum par

Gundadalur skal ikki málast við LGBT litum

Semju við fakfeløg um pensjónsaldur

Broytingar í leiðsluni í Atlantsflog

Manningarfeløg lýsa tænastubann á Galaxy

Amerikanski tollurin kostar Volkswagen milliardir

Føroyar vunnu stórsigur í seinasta dystinum

Steintór og Tríggjar kvinnur

Eingin trupulleiki at fólk seta sín dám á føroysku klæðini