- Í ár er avgjørt, at dagstovnar í Klaksvíkar kommunu fara í summarfrí vikurnar 30, 31 og 32. Tó er møguleiki fyri summaransing í hesum tíðarskeiði
Soleiðis siga tey í Klaksvíkar kommunu í dag.
Men, fyri at kenna veruliga tørvin og fyri at gagnnýta arbeiðsorkuna á dagstovnaøkinum best møguligt, er ynskiligt, at foreldur skráseta, hvønn tørv teirra barn hevur á ansing í summarfrítíðini.
Í Klaksvíkar kommunu heita tey tískil á foreldur um at boða frá umvegis heimasíðuna hjá kommununi um, hvønn tørv barnið hevur á summaransing.
- Fráboðanin um summaransing skal verða kommununi í hendi í seinasta lagi mikudagin hin 7. mai, verður lagt aftrat.
