Vit eiga at fáa eina lóg við greiðum reglum fyri, hvussu, og hvar, tað er loyvt at fara í hagan við motorsúkklum, lendisakførum, og øðrum akførum.
Tað heldur Sune Petersen, sum er deildarleiðari á Vernd, sum er ein deild á Umhvørvisstovuni.
Hann staðfestir, at koyring við motorsúkklum í haganum er ein alsamt vaksandi trupulleiki, tí henda koyring gevur greflig arr í náttúruni og fer sum heild, illa við haganum.
Tí varpar umhvørvisstovan nú ljós á trupulleikan, og tað gera tey við einum stuttum filmsbroti ið vísir, hvussu motorsúkklur og onnur motorakfør hava gjørt um seg.
- Lendið hevur langa tíð um at koma fyri seg, og grefligu arrini í lendinum síggjast í áravís, og eisini órógvar henda koyringin náttúruna og styggir bæði fugl og seyð, sigur Suni Petersen,.
Trýst á pílin undir myndini og hoyr Suna Petersen greiða frá.
