Tað hevur gingist so mikið væl hjá Gentum 16 hjá B71, sum leika hálvan vøll, at tær longu fyri nøkrum umførum síðan gjørdust FM-vinnarar.
Í dag, nú seinasti dysturin hjá teimum varð leiktur Inni í Dal á Sandi, vunnu genturnar hjá B71 2-1 á gentunum hjá EB/Streymi.
Hetta gjørdist ein javnur dystur, sum kundi farið báðar vegir. Men, tá avtornaði fingu B71-genturnar sigursmálið nakrar minuttir fyri leiklok.
Dysturin varð leiktur í besta veðri í morgun, og eftir dystarlok fingu genturnar hjá B71 steyp og medaljur.
Formaðurin í B71, Karl Vidtfeldt, helt eina stutta røðu og handaði FM-vinnarunum steyp og medaljur.
Nú eftir seinasta dystin skipar B71 fyri lítlari hugnaløtu fyri gentunum Inni í Dal.
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
