Í samband við Norð Festivalin, sum er á Viðareiði í dag, var hugnaløta og felagssangur fyri festivalgestum á Hotel Norð í gjárkvøldið.
Tað vóru Jóanis Erik Køtlum, Eyðun Hansen, Eyðun á Lakjuni og Dávur Heinesen, sum stóði fyri undirhaldi og tónleiki.
Tá kvøldið leið, spældu Tónar til dans.
Dagurin í dag byrjar nú longu klokkan 10 við ókeypis morgunmati fyri øllum gestum, áðrenn Trølla Pætur og Omman fara at undirhalda fyri børnunum í stóra tjaldinum klokkan 11.15.
Spælilandið, sum er skipað í samband við Norð Festivalin, letur upp á middegi í dag, og klokkan 12.30 fara viðingar, eins og gjørt hevur verið hini bæði árini, at fletta eina kúgv.
Á Hotel Norð letur eisini ein vælsmakkandi buffét upp í dag klokkan 15.
Seinnapartin í dag og til langt út á náttina verða nógvar tónleikaframførslur á Norð Festivalinum.
Uni Debess leggur fyri á terassuni á Hotel Norð klokkan 15, og seinasta konsertin á Norð Festivalinum verður við Adrenaline á stóra palli í nátt klokkan 02.30.
Birgir W. Høgnesen tók myndirnar.
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
