Tað er ikki alt, tú lesur um klænking, sum tú skalt trúgva. Nógvar mytur eru nevniliga um klænking.
Á heimasíðuni www.iform.dk verður eitt nú spurt, um sukur fitar, um reyðvín er sunt ella ikki - og um reyðvín eisini fitar. Kunnu vøddar gerast um til fiti, og er tað rætt, at frukt ikki fitar. Gerst tú klænri av at drekka light - og er tað nú rætt, at fastfood fitar?
Hetta eru nakrir av spurningunum, sum verða settir, og svarini eru at finna á heimasíðuni.
Nógv gott er at siga um tað at renna, men sum ráð móti klænking eru nógv góð - og betri - alternativ. Tú brennir fleiri kaloriur við at renna langt ella við at rógva innandura, og vandin fyri skaðum er lítil.
Samanumtikið kann sigast, at besti hátturin at klænka seg er at gera tað, sum tú tímir at gera. Hugurin at íðka hevur minst líka so stóran týdning sum hátturin. Tímir tú ikki, gevur tað jú onga brenning av kalorium yvirhøvur.
At renna er ein góður háttur til motión, men tað kann vera trupult, tá tú ert liðug/-ur at íðka, ikki at eta fleiri kaloriur enn tær, sum tú hevur brent á rennitúrinum.
Light økir matarlystin
Sjálvt um light-vørur eru kaloriufátækar, kunnu hesar saktans snýkja nógvar kaloriur inn undir húðina á tær. Flestu ”kompensera” lítlu nøgdina av kalorium í light við at eta fleiri kaloriur í øðrum mati.
Sjálvt tær vørur, sum eru heilt tappaðar fyri kaloriur, eitt nú cola light, kunnu í síðsta enda gera, at vektin økist.
Ansvekjandi kanningar hava víst, at sterki søti smakkurin í eini light-vøru kann snýta blóðsukurið og soleiðis framprovokera eina serstaka svongd og ein skríggjandi tørv eftir veruligum søtum vørum.
Hetta merkir, at tú í síðsta enda etur meira av øðrum.
Kelda: www.iform.dk
