Tað hevur verið alt meiri væntandi, sum EM undankappingin er liðin, og í síðsta dystinum í hesi kappingini eydnaðist tað. Rógvi Jacobsen skoraði í kvøld. Føroyar hava skorað fýra mál í hesi kappingini, og Rógvi Jacobsen hevur skorað tey øll. Undan hesi kappingini hevði Rógvi skorað seks landsliðsmál. Nú hevur hann skorað tíggju, og tað er met á føroyska landsliðnum. Metið higartil hevur Todi Jónsson átt. Hann skoraði níggju ferðir á landsliðnum.