Wikileaks-stovnarin Julian Assange er handtikin av bretsku løgregluni og er fluttur frá sendistovuni hjá Ekvador í London. Hesum boðar bretski innanríkisráðharrin, Sajid Javid, frá.
Bretska løgreglan varð bjóðað inn á sendistovuna, eftir at Ekvador hevði sagt friðskjólið hjá Assange úr gildi.
Julian Assange hevur verið í sendistovuni hjá Ekvador síðan 2012.
Assange, sum er føddur í Avstralia, stúrir fyri at avhendaður til USA, har hann risikerar at verða ákærdur fyri at hava almannakunngjørt loyniligar upplýsingar frá teimum amerikonsku kríggjunum í Afghanistan og Irak.
Svenskir myndugleikar hava áður ynskt hann avhendaðan fyri ákærur um neyðtøku, men umbønin varð tikin aftur í 2017.
Stórabretlan hevur tó staðið fast við handtøkuboðini. Orsøkin er, at WikiLeaks-stovnarin ikki hevur lúkað treytirnar fyri leysgeving móti vehaldi, tá hann søkti friðskjól á sendistovuni.
Fyrst í ár kallaði forsetin í Ekvador Assange fyri ein niðurarvaðan trupulleika, og segði, at hann hevði elvt til nógv stríð fyri stjórnina í Ekvador. Hetta segði hann, eftir Assange hevði boðað frá stuðli til loysingina hjá Katalonia.
Ekvador gav Assange ríkisborgararætt í januar. Hetta var ein miseydnað roynd uppá at sikra honum diplomatiskan immunitet, so hann kundi fara úr sendistovuni í London uttan at bíva handtikin av bretsku myndugleikunum.
/ritzau/Reuters
