Maskinmeistararnir hava nú fingið nýggjan formann.
Longu í desembur mánaði bleiv boðað frá, at Ólavur Gunnarsson fór at taka við sum formaður í Maskinmeistarafelagnum aftan á Páll Hansen, sum hevur verið formaður felagsins seinastu 11 árini.
Leygardagin var aðalfundur í felagnum og tá fór so eisini formansskifti fram.
Ólavur Gunnarsson hevur áður sitið í nevndini í Maskinmeistarafelagnum, og seinastu árini hevur hann starvast sum tekniskur leiðari hjá Smyril Line.
John Højsted bleiv afturvaldur í nevndina, meðan Jóhan Mørkøre tekur sæti hjá Jóan Peturi Patursson, sum ikki stillaði upp aftur.
Í nevnd felagsins sita nú Ólavur Gunnarsson, Regin Olsen, Hans Ingvard Joensen, John Højsted og Jóhan Mørkøre.
Tiltakslimir eru Daniel Nielsen og Róald Johannesen.
