Havið hevur stóran týdning fyri okkum í Norðurlondum, og tað verður raðfest ovarlaga á norðurlendsku dagsskránni í løtuni. Nógv av okkara týdningarmesta tilfeingi kemur úr havinum, og sigling er ein týðandi vinna í dag. Tað hevur okkara áhuga – og tað er okkara ábyrgd – at verja havið. Hetta er orsøkin til, evnið at verja lívið í havinum er valt til Norðurlendsku Umhvørvisvirðislønina í 2018. Málið var samstundis at stuðla Heimsmáli nr. 14 hjá Sameindu Tjóðum um burðardyggari menning.
Tann týdningur, sum havið hevur fyri okkum í Norðurlondum, kemur eisini til sjóndar á tann hátt, at Ísland hevur sett havið í brennidepilin í sínum formansskapi í Norðurlendska Ráðharrastovninum í ár. Harumframt hevur íslendski formannsskapurin í Arktiska Ráðnum og ED hjá Íslandi í Heimsbankanum raðfest havið ovarlaga. Høvuðs raðfestingarnar eru um havnir sum innovationshubs, um stríðið móti plastdálking í høvunum, um møguleikarnar fyri at kunna menna tann bláa búðskapin, og um hvønn týdning hann hevur fyri Norðurlond.
Seminarið mikudagin 10. apríl setir í brennidepilin nýggjar loysnir fyri at gera havið reinari. Talan er um føroysk, norðurlendsk og altjóða tiltøk fyri at fáa eitt reinari hav. Í stríðnum móti dálkingini av høvunum verður ikki minst dentur lagdur á dálkingina frá skipaferðsluni.
Norðurlendski Ráðharrastovnurin skipar fyri seminarinum í samstarvi við Norðurlandahúsið í Føroyum.
Málið á seminarinum er danskt og svenskt.
Skrá
Kaffi
09:00-09:10 Aksel V. Johannesen, løgmaður, bjóðar vælkomin
09:10-09:40 Aðalreglan v/ Fredrik Haag, skrivstovustjóra í London Convention/Protocol & Ocean Affairs. Marine Environment Division, International Maritime Organization (IMO)
09:40-09:55 Sirið Stenberg, landsstýrisfólk í umhvørvismálum.
09:55-10:00 Kunnað verður um umhvørvisvirðislønina hjá Norðurlandar Ráðnum. Evnið: Vernd av lívinum í havinum (6 min. Video)
10:00-10:20 Jóhann Fagraklett, stjóri í Green IQ, sum var tilnevnt umhvørisvirðisløn Norðurlandaráðsins í 2018
10:20-10:30 Ólavur Gunnarson, formaður, Maskinmeistarafelagið í Føroyum
10:30-10:45 Jákup Sørensen, projektleiðari, NORA. Trý íslendsk formanskapstiltøk vera løgd fram. Tey snúgva seg um havið, serliga um NordMar havnir.
10:45-11:00 Tikið verður saman um, og seminarið endar
