Tá tú keypir við einum 50-krónu seðli sært tú ikki longur tjóðarhetjuna Nólsoyar Páll á dýrabara pappírinum.
Nú er tað eitt veðrahorn á framsíðuni og Beinisvørð á baksíðuni. Listamaðurin Zacharias Heinesen hevur málað vatnlitsmálningarnar, sum prýða pengaseðilin.
Hetta er tann fyrsti nýggi pengaseðilin í eini røð. Um eitt gott ár verður nýggjur 100-krónuseðil á gøtuni, og seinni fáa vit 200-krónuseðlar, og nýggjar 500- og 1000-krónuseðlar.
Umboð frá danska Nationalbankanum, sum hevur staðið fyri útgávuni, eru í Føroyum í hesum sambandi.
