Byrjað varð leygarkvøldið kl. 19 við fjórðgongds-kappingunum V5 og V1. V5 er ein lættari flokkur, sum er ætlaður teimum, ið ikki eru so roynd. Tá verður riðið eftir “speakers command”, har fýra gonguløg skulu vísast: Tølt, trav, fet og lop. Tvey-trý pør eru inni í senn. Úrslitini síggjast niðast í hesi greinini.
Síðani varð kappast í V1, har eitt og eitt par koma inn og ríða eitt programm, har hesi gonguløg skulu vísast: Spakuligt tølt, skjótt tølt, trav, fet og lop. Luttakararnir velja sjálvir í hvørji raðfylgju, gonguløgini verða riðin. Úrslitini síggjast niðast í hesi greinini.
Nýggj skipan til dómaratølini
Føroyskt Íslandsrossafelag hevur júst gjørt íløgur í nýggja profesionella útgerð til kappingar. Hendan skipanin varð fyrstu ferð brúkt til kappingarnar í vikuskiftinum og vísti seg at roynast sera væl. Øll dómaratølini verða tastað beinleiðis inn í forritið Sportfengur, sum roknar út so hvørt, hvør miðal-karakterurin er, og hvussu plaseringin hjá ymsu pørunum er. Eisini ber til at síggja programm, startlistar, luttakarar og úrslit live á appini “LH Kappi”, sum kann takast niður á appstore og google play.
Ungdómshestacup
Sunnudagin var næsta ungdómshestacup í ár, har kappast var í einkultum gonguløgum umframt T1, T2 og V1. Í einkultu gonguløgunum, ber til at melda til fet, trav, lop ella tølt. Í V1 verður riðið á sama hátt, sum tey vaksnu ríða, sí omanfyri. T1 og T2 eru tøltkappingar burturav, har rossið skal vísa tølt á ymsar hættir.
Úrslitini í vikuskiftinum vóru hesi:
Fjórðgongd, V1:
1. Knút Lützen og Kári frá Ásbrú
2. Ester Dahl á Heygum og Vorboði fráAkurgerði
3. Valborg Hallursdóttir Laksafoss og Kamilla frá Árbakka
Fjórðgongd, V5:
1. Bryndis Hjartardóttir og Kráka frá Ósabakka 2
2. Nina Brockie og Blússa frá Forsæti
Á einum deildum 3. plássi:
Beinta Poulsdóttir Debes og Eyja frá Hurðarbaki
Kristianna Jespersen og Tristan frá Auðsholtshjáleigu
Ungdómshestacup:
Tøltkapping, T1:
1. Ragnheiður Ólafsdóttir Dam og Hugi frá Hrepphólum
2. Oskar í Haraldstovu Weihe og Máttur frá Úlfsstöðum
3. Elisabeth Niclasen og Litbrá frá Brávöllum
Slakteymatølt, T2:
1. Ester Dahl á Heygum og Vorboði frá Akurgerði
2. Lív Hilduberg Heinesen og Hárekur úr Marknagili
3. Bertha Maria D. Nordendal og Krapi fra Enighed
Fjórðgongd, V1:
1. Ester Dahl á Heygum og Vorboði frá Akurgerði
2. Bertha Maria D. Nordendal og Krapi fra Enighed
3. Ragnheiður Ólafsdóttir Dam og Hugi frá Hrepphólum
Einkult gonguløg:
Fet:
1. Karin og Gígur
2. Bjørk og Verðandi
3. Boas og Bjørk
Trav:
1. Bjørk og Verðandi
2. Ása Maria og Huginn
3. Bertha og Sproti
Lop:
1. Ása Maria og Huginn
2. Yrsa og Fákur
3. Elin og Ísar
Tølt:
1. Ása Maria og Huginn
2. Bjørk og Kongur
3. Yrsa og Fákur
