Nógvar landingar eftir ódnar­veður

Fleiri línuskip koma inn at landa í dag, og tey hava mest av toski og hýsu.
Eitt línuskip er undir Ís­landi. Tað er Sandshavið, sum væntandi landar miðskeiðis í vikuni.
Eitt línuskip hevur roynt á Rygginum og land­ar helst eisini í dag.
Sunnudagin var ódn, og tí er væntandi, at flestu skip, sum royndu undir Føroyum, stevndu til lands í hampiligari tíð.
Streymurin verður hampi­ligur teir næstu dag­ar­nar, men væntandi er, at veðrið verður skift­andi.
- Vit vænta tí ikki nógv­an útróður teir næstu dagarnar, sigur Fiska­marknaður Føroya.
Allir partrolararnir, sum eru til fiskiskap, fiska upsa og koma inn at landa, sum vikan gong­ur.
Nakrir hava lagt til jóla.
Fiskamarknaður Før­oya veit at siga, at bara ein djúpvatnstrolari hev­­ur verið til fiskiskap sein­­as­tu dagarnar. Hann kem­ur ætlandi inn at landa síðst í viku­ni. Trol­arin fiskar svart­kalva, kongafisk og blá­longu.
Fríggjadagin, tá mark­naðurin gjørdi sínar metingar fyri hesa viku­na, vóru tríggir trolbátar til fiskiskap. Teir fiskaðu havtasku og landa helst allir í dag.