Frá í morgin og fýra tær næstu vikurnar fer Ritan aftur at sigla til Nólsoyar.
Ternan hevur havt úr at gera um vikuskiftið við at sigla stevnugestir, nú Ovastevna varð hildin í Nólsoy.
Strandferðslan boðar nú frá broytingum á Nólsoyarleiðini, nú Ternan fer á sleipistøð í morgin.
Hesar dagarnar verður Ritan sett inn í regluliga sigling, meðan Sam fer at sigla við farmi ávísar dagar, eins og lýst er á heimasíðuni hjá Strandferðsluni.
At Ritan nú skal aftur í sína gomlu rutu, merkir eisini broyting fyri Svínoyar- og Fugloyarleiðina. Hesar dagarnar fer Alpha Pilor at røkja hesa leiðina.
Gongst sum ætlað kemur rættlag aftur í siglingina mánadagin 5. september.
