Nú verður farið undir at byggja nýggja skúlan við Streymin.
Stóra verkætlanin, ið umfatar ein skúla og ítróttarhøldd, skal gerast av Sp/f Jóan Petur Vang, ið, átti lægsta tilboðið, ið var áljóðandi 62.6 milliónir.
Sáttmálin bleiv undirskrivaður í gjár av Heðini Zachariassen, borgarstjóra í Sunda kommunu, og Jóan Petur Vang, timburmeistara.
Nýggi skúlin skal takast í nýtslu við skúlabyrjan 2019/20. Eftir ætlan skal arbeiðið byrja hálvan mei í ár.
Seinasta uppgerð vísir, at í Sunda kommunu búgva 1731 fólk, harav 308 eru í skúlaaldri.
