Á heimasíðuni hjá Eiðis kommunu verður víst á, at tríggjar nýggjar fyritøkur hava sæð dagsins ljós á Eiði.
Rebekka Trúgvadóttir Kallsoy er útlærd hárfríðkanarkvinna. Hesa útbúgving fekk hon í 2019 og hevur seinastu árini arbeitt á hárfríðkanarstovu í Danmark og her heima. Nú hevur hon sett á stovn egna hárfríðkanarstovu á Eiði, sum kallast Hársmiðjan.
Á almennu Facebook síðuni hjá Hársmiðjuni sigur hon, at hetta er ein lívlangan dreymur hjá henni, og hon gleðir seg til at taka ímóti fyrstu kundunum. Tað var mándagin hin 3. mai, at dyrnar til Hársmiðjuna lótu upp.
Nils Kruse Lie er virkin sum nýgerðar urtagarðsmaður. Uppgávurnar hjá einum nýgerðar urtagarðsmanni fevna um nógv ymiskt arbeiði - frá garðsarbeiði til uppsetan av hegni og trappum. Nils hevur áður starvast sum nýgerðar urtagarðsmaður hjá smápartafelagnum Hjálpirót, har hann vann sær nógvar royndir innan hetta yrkið.
Á Gerðisvegi á Eiði heldur triðja nýstovnaða fyritøkan til. Talan er um el-innleggjara fyritøkuna, El-veit. Tað er Kristjan Madsen sum stendur fyri. Hann hevur drúgvar royndir sum el-innleggjari og hevur áður starvast í Danmark.
##med2##
- Vit ynskja øllum trimum fyritøkunum tillukku og bestu eydnu framyvir, siga tey í Eiðis kommunu.
