Flestu partrolarapør eru til fiskiskap. Skipini fiska upsa og fáa eisini nakað av hjáveiði. Skipini koma inn at landa, sum henda vikan gongur.
- Men, fiskiskapurin hjá partrolarunum kundi verið betur, siga tey á Fiskamarknaði Føroya.
Ein djúpvatnstrolari er til fiskiskap. Teir fiska makrel, verður lagt aftrat.
In.fo kann leggja aftrat, at aðrir ísfiskatrolarar eisini eru á makrelveiði.
Millum hesar eru eitt nú Eysturbúgvin og Vesturbúgvin, sum annars hava verið á gulllaksaveiði í vertíðini, sum júst er liðug.
Av teimum smáu trolbátunum er ein á Íslandsrygginum, tveir eru á landleiðini, og ein er eystanfyri.
- Trolbátarnir fáa mest av toski, hýsu og flatfisk. Ein landar fyrst í hesi vikuni, og hinir landa miðskeiðis í vikuni.
Tvey garnaskip fiska svartkalva, men fiskiskapurin er smáligur. Bæði skipini koma inn at landa síðst í hesi vikuni.
- Tvey garnaskip fiska havtasku. Tey hava brúkiligan fiskiskap og koma inn at landa miðskeiðis í vikuni, verður lagt aftrat.
