Hondbóltur
Neistin hevði annars eina vón um, at tað skuldi bera til hjá teimum at stríða seg heilt upp móti oddinum, tá tær vitjaðu í Vági.
Ikki minst mundi góða avrikið í útidystinum móti Stjørnuni hava birt undir vónirnrar, og tó at VB so sanniliga eisini hevur eitt sterkt lið, so hildu fleiri helst, at Neistin kundi gera ein vørrt í Vági.
Tað royndu tær so eisini, men VB-kvinnurnar vístu seg tó at vera akkurát eitt lítið petti ov drúgvar og royndar. Tað leikaði javnt á fyri tað mesta, men tá Neistin eina lítla løtu í fyrra hálvlieki fór eitt sindur niður í ferð, vórðu tær revsaðar alt fyri eitt. VB brúkti seinastu løtuna undan steðginum at skræða seg leysar, og tann munin hildu tær síðani fast um.
Eitt skifti í seinna hálvleiki var tó hyeilt nær við, at Neistin fekk heimaliðið aftur. Um hálvan hálvleikin var bert eitt mál á muni, men so sýndi Aivaras Daugas enn einaferð, at hann hevur eitt stórt taktiskt medvit. Time-out varð tikið, leikararnir fingu nýggjar instruksir, og so fekk aftur betri. Munurin varð aftur øktur í trý mál, og so helt heimaliðið fast seinastu tíggju minuttirnar, uttan at spenningurin av álvara gjørdist heilt stórur aftur.
Fakta um dystin
VB-Neistin 27-23 (13-9)
Málskjúttar
VB: Daiva Toumaite 10(2), Aukse Vysniaskaite 9(1), Rannvá Augustinussen 3, Christina Holm 2, Leila Jespersen 2, Margreth Augustinussen 1
Neistin: Simona Petersen 7(1), Marjun Tróndarson 6, Ása Dam á Neystabø 4, Annika Thomsen 3, Lív Sørensen 2, Mia Káradóttir 1
Brotskøst: VB 5, Neistin 3
Útvísingar: VB 4, Neistin 4
Dómarar: Karstin Joensen og Kristian Joensen.
