Newcastle vildi ikki sleppa Arsenal

17. umfar í Premier League verður avgreitt í vikuni. Í kvøld var stóri dysturin Emirates leikvøllinum, har oddaliðið Arsenal tók móti meistaraavbjóðaranum úr Newcastle. Tað endaði við málleysum javnleiki, sum gestirnir vóru meira fegnir um.

Arsenal var leikliga omaná frá byrjan, men tað eydnaðist ongantíð at fáa hol. Sum tíðin gekk, so vísti Newcastle sterkt verjuspæl og stóð ímóti. Tað bleiv dramatiskt í yvirtíðini, tá Arsenal vildi hava brotsspark. Sjónbandamyndirnar vísa, at bólturin fór í hondina á einum verjuspælara hjá Newcastle, men dómarin gav bara hornaspark. Arsenal er framvegis oddalið.

Manchester United bjóðar Newcastle av í stríðnum um Champions League plássini. Manchester United vann greiðan 3-0 sigur á AFC Bournemouth á Old Trafford, meðan venjarin hjá Everton, Frank Lampard er undir trýsti. Everton tapti heili 4-1 á heimavølli móti Brighton og er í niðurflytingarvanda.

Eisini vann Fulham 1-0 á Leicester. Aleksandar Mitrovic skoraði málið. Fulham liggur á sjeynda plássi, sum er avbera flott fyri ein uppflytara. Í annaðkvøld er stóri dysturin millum Chelsea og Manchester City.