250.000 kr til at skilja og endurnýta burturkast

Umhvørvisstuðulin í ár fer til verkætlanir, sum onkursvegna arbeiða við at skilja og endurnýta burturkast. Tórshavnar kommuna letur 250.000 krónur til endamálið.

Øll kunnu søkja um at fáa lut í upphæddini, sum fer til at skumpa undir arbeiðið at skilja og endurnýta burturkast.

Dømi um verkætlanir kunnu vera:

  • skeið ella verkstovur innan endurgerð av burturkasti
  • tiltøk, sum taka útgangsstøði í at endurnýta lutir ella burturkast
  • kanningar í sambandi við skiljing og endurnýtslu
  • framleið ymiskt upplýsandi tilfar um burturkast og endurnýtslu

Umsóknarfreistin er 15. apríl 2021.