Bjørndalen sett ótrúligt OL-met

40 ára gamli Ole Einar Bjørndalen vann í dag sítt 13. OL-heiðursmerki.

Saman við Toru Berger, Tiril Eckhoff og Emil Hegle Svendsen vann Ole Einar Bjørndalen fyri løtu síðani OL-gull í blandaðari skíðrenning í vetrarleikunum í Sochi. Hetta er 13. OL-heiðursmerkið hjá 40 ára gamla Ole Einar Bjørndalen, og tað er heimsmet. Hann er nevniliga einasti luttakarin, sum hevur vunnið somkikið nógv heiðursmerkir á vetrarleikunum.


Metið tók hann frá landsmanninum, norska Bjørn Dæhlie, sum hevði vunnið 12 heiðursmerkir. Bjørn Dæhlie er í dag 46 ára gamal og fyrireikaði seg í grundini til OL í 2002, men ein álvarsamur ryggskaði trý ár frammanundan kostaði honum luttøkuna, og er tað helst atvoldin til at hann ikki hevur vunnið fleiri enn tey 12.


Ole Einar Bjørndalen er ein av trimum, sum hevur vunnið seks innanhýsis OL-gull. Hini eru áður umtalaði Bjørn Dæhlie og kekkiski kappskoytarin Lidija Skoblikova, sum skoytaði í OL í 1960 og 1964.

 

- Eg havi sagt somikið nógv gott um Ole Einar, at eg havi helst ikki fleiri orð. Hann er eitt av størstu ítróttarfólkunum eg havi upplivað, og eg havi upplivað nógv. Hann er kongurin. Ikki bara skíðkongurin, men helst eisini kongurin av norskum ítrótti, segði 76 ára gamli skíðserfrøðingurin hjá VG, Jon Herwig Carlsen, júst eftir at metið varð tikið.


OL-heiðursmerkini hjá Ole Einar Bjørndalen:

Nagano, 1998: eitt gull, eitt silvur

Salt Lake City, 2002: fýra gull

Torino, 2006: tvey silvur, eina bronsu

Vancouver, 2010: eitt gull, eitt silvur

Sochi, 2014: tvey gull