Laga flotan til strategiina

- Nýggja strategiin krevur tvey Airbus flogfør og eitt minni flogfar, og tað arbeiða vit í løtuni við, sigur Jørgen Holme, stjóri í Atlantsflog.

- Nýggja strategiin krevur tvey Airbus flogfør og eitt minni flogfar, og tað arbeiða vit í løtuni við, sigur Jørgen Holme, stjóri í Atlantsflog.

 

Í morgin flýgur British Aerospace flogfarið hjá Atlantsflog á síðsta sinni fyri felagið, áðrenn leiðin verður løgd til Malmø, hagar flogfarið er útleigað.

 

- Tað eru jú nøkur ár síðani at avgerð varð tikin um, at skifta flotan út við Airbus 319 flogfør, og tað er rætt, at British Aerospace flogfarið, sum vit hava eftir, nú verður útleigað til Malmø, sigur Jørgen Holme.

 

Hann roknar kortini ikki við, at tað fer at skapa trupulleikar á rutunum hjá Atlantsflog.

 

- Nú er størsta trýstið av í summarhálvuni, so hóast vit mugu umvera eitt flogfar í tríggjar vikur, so kenna vit ruturnar og belegningin, og eg dugi ikki at síggja, at vit skuldu fingið trupulleikar hesa tíðina, sigur Jørgen Holme.

 

Nýggja strategiin verður sett í gildi komandi ár, og í løtuni verður arbeitt við at laga flotan til nýggju strategiina.

 

- Ætlanin er at nýta tvey Airbus flogfør í nýggju strategiini, umframt eitt minni flogfar, og tað verður arbeitt í løtuni við at finna eitt hóskandi minni flogfar, sum passar til strategiina, sigur Jørgen Holme.